"پێچەوانەی دەستور و یاساكانن"
هێشتا لە بەیاننامەکانی حکومەتی عێراق (باکوری عێراق) بۆ هەرێم بەکاردەهێندرێت
964+
فەرهاد حەسەن
جێگری سەرۆکی پەرلەمانی عێراق رەخنە لە بەکارهێنانی زاراوەی “باکوری عێراق” لە بەیاننامەکانی دامودەزگا فەرمییەکانی حکومەتی عێراقیدا دەگرێت، بە لەبەرچاوگرتنی ئەوەی کە ئەم دەستەواژەیە واتایەکی ناڕاستی هەڵگرتووە و دوورە لە پیشەیی.
فەرهاد ئەتروشی، جێگری دوومی سەرۆکی پەرلەمانی عێراق له بهیاننامهیهكدا باسی لهوهكردوه، پێداچونەوەیان بەو لێدوانانە کردووە کە لەلایەن دامەزراوە فەرمییەکانی حکومەتی عێراقەوە دەرکراون و ئاماژە بە بەکارهێنانی زاراوەی وەک (حکومەتی هەولێر) یاخود (باکوری عێراق) کردووە، دەڵێت “ئەم دەستەواژانە هەڵگری واتایەکی نادروستە و پیشەییبونی نییە”.
داواشی له ههموو دامودهزگاكانی حكومهتی فیدراڵی کردووە، دووربكهونهوه له بهكارهێنانی ههندێك دهستهواژهی نادهستوری له بهرامبهر ههرێمی كوردستان، وەک “باکوری عێراق” و “حكومهتی ههولێر” کە پێچەوانەی دەستور و یاساكانن.
ئهتروشی دهشڵێت، “داوایان لێدەکەین خۆیان لە ناکۆکی و ململانێی سیاسی بەدووربگرن کە خزمەت بە یەکڕیزی عێراق و بەرژەوەندی گەلەکەی ناکەن بەهەمو فرەچەشنی و سیما رەسەنەکەیەوە”.
لهماوهی چهند رۆژی رابردودا كێشه له نێوان حكومهتی فیدڕاڵی و ههرێمی كوردستان دروستبوو، بههۆی ههناردهی نهوتی كهركوك له رێگهی بۆری نهوتی ههرێمی كوردستانهوه بۆ بهندهری جهیهان، بهڵام شهوی رابردوو ههردوولا گهیشتنه ڕێكهوتن و ههرێم بڕیاریدا ڕێگه به ههناردهی نهوتهكه بدات.