وتەبێژی کۆشکی سپی
کۆشکی سپی:
“ئێرانەکەی 9 رۆژ پێش ئێستا نەماوە”
964+
ژووری هەواڵ
وتەبێژی کۆشکی سپی ئەمڕۆ لە کۆنگرەیەکی رۆژنامەوانیدا رایگەیاند، ئێران هێزی وەک سەرەتای جەنگ نییە و ئاشکراشی کرد، سوپای ئەمریکا هێشتا پلانی ئەوەی نییە هێزی پیادە رەوانەی ئێران بکات.
کارۆلین لیڤیت وتی، ئێران وەک 9 رۆژ پێش ئێستا بەهێز نییە، هێزی دەریایی ئێرانمان لەناوبرد و بە رێژەی 90% هێرشەکانیان پاشەکشەی کردووە.
وتیشی، هێرشی ئێران بۆ سەر دەرودراوسێیەکانی دەریدەخات کە ئەم کارەی ئێستامان چەند پێویست بوو، سەرۆک ترەمپیش چاودێریی بارودۆخەکە دەکات و هەموو بژاردە سەربازییەکان لێکدەداتەوە.
“هێشتا پلانی ئەوەمان نییە هێزی پیادە رەوانەی ئێران بکەین، بەڵام سەرۆک ترەمپ هەموو ئەگەرەکان هەڵدەسەنگێنێت”، وتەبێژی کۆشکی سپی وای وت.
نۆ رۆژە شەڕی ئیسرائیل و ئەمریکا بەرامبەر ئێران بەردەوامە و هێشتا هیچ ئاسۆیەک بۆ ئاشتی و وەستانی شەڕ نییە.
