میوانەکانیان سەلامەتن
هۆتێل تایتانیک لەبارەی هێرشەکەی شەوى رابردوو روونکردنەوە دەدات
964+
وریا فەتاح
دوای ئەوەی شەوی رابردوو بارەگای نەتەوە یەکگرتووەکان (UN) لە سلێمانی، کە دەکەوێتە پشت هۆتێل تایتانیک، بە درۆن بۆردومان کرا، ئیدارەی هۆتێلەکە پەیامێکی دڵنیایی بۆ میوانەکانی بڵاوکردەوە.
هۆتێل و سپای تایتانیک لە روونکردنەوەیەکدا رایگەیاند، کە سەرجەم میوان و کارمەندەکانیان سەلامەتن و رووداوەکە لە ناوچەیەکی نزیک لەوان روویداوە، بەڵام هیچ زەرەر و زیانێکی گیانی و ماددی بەر هۆتێلەکە نەکەوتووە.
لە روونکردنەوەکەی تایتانیکدا هاتووە،”زۆر سوپاسی میوانە ئازیزەکانمان دەکەین بۆ پرسیارکردن و پەیوەندیکردنتان بۆ دڵنیایی لە سەلامەتی میوان و کارمەندان؛ سەلامەتی و ئاسایشی میوانەکانمان پیشەمانە.”
