پلەی گەرما رۆیشتەوە ژێر سفر
زستان گەڕایەوە و نزیکەی 10 سانتیم بەفری تێکرد
964+
ئاکام غەفوور – حاجی ئۆمەران
وەک دەڵێن، زستان رۆژێکی مابێت خۆی دەنوێنێت و گورزی خۆی دەوەشێنێت، لە شەوی رابردووەوە لە حاجی ئۆمەران و دەورووبەری زستان گەڕاوەتەوە و بەفرێکی باش باریوە.
بەفربارین لە حاجی ئۆمەران و ناوچە شاخاوییەکانی کوردستان تائێستاش بەردەوامە و نزیکەی 10 سانتیم بەفری تێکردووە و شەقام و دەشت و دەر سپیپۆش بوون، لەگەڵ ئەوەشدا کەشەکە بەتەواوەتی سارد بووە و پلەی گەرما بۆ ژێر سفر پلەی سیلیزی دابەزیوە.
بەپێی پێشبینییەکانی کەشناسیش، ئەم شەپۆلی بەفر و بارانە تا رۆژی سێشەممەی داهاتوو بەردەوام دەبێت.
پێداچوونەوە؛ شۆڕش قادری