بۆ جەژنەکانى رەمەزان و نەورۆز لە کوردستانن
خوێندکارانى دەرەوەى ولات 18 رۆژ پشویان پێدرا
964+
وریا فەتاح
وەزارەتی خوێندنی باڵای هەرێم بڕیاریدا کارئاسانی بۆ ئەو خوێندکارانە بکات کە لە دەرەوەی وڵات دەخوێنن، بۆ ئەوەی لە مانگی رەمەزان و نەورۆزدا بگەڕێنەوە ناو کەسوکاریان بەبێ ئەوەی کێشە بۆ یەکسانکردنی بڕوانامەکانیان دروست ببێت.
عەباس ئەکرەم، وتەبێژی وەزارەتی خوێندنی باڵا وردەکاریی بڕیارەکەی بەم شێوەیە خستووەتەڕوو:
بڕیارەکە بە واژۆی د. ئارام محەمەد، وەزیری خوێندنی باڵا و توێژینەوەی زانستی دەرچووە.
لە رێکەوتی 10.3.2026 تاوەکو 28.3.2026 ئەو خوێندکارانەی لە دەرەوەن دەتوانن بگەڕێنەوە هەرێمی کوردستان.
ئەو ماوەیە (18 رۆژە) وەک ماوەی مانەوە (ئیقامە) بۆ خوێندکاران هەژمار دەکرێت و هیچ کێشەیەک بۆ یەکسانکردنی بڕوانامەکانیان دروست ناکات.
ئامانج لە بڕیارەکە بەشداریکردنی خوێندکارانە لە جەژنی رەمەزان و نەورۆز و بۆنەکان لەگەڵ کەسوکاریان لە هەرێمی کوردستان.
