ئاگر لە نوسینگەیەکی هەولێری کوردستان تیڤی کەوتووەتەوە
964+
ڤیدیۆی ئاگرکەوتنەوە لە کۆگایەکی نزیک بە هۆتێل شیراتۆنی هەولێر بڵاوبووەوە، بەپێی زانیارییە سەرەتاییەکان نوسینگەی کوردستان تیڤیە.
سەرچاوەیەک لە کوردستان تیڤی بۆ 964ی پشتڕاستکردەوە کە نوسینگەی ئەوانە و هێشتا ئاگرەکە کۆنترۆڵنەکراوە.
لە لایەکی دیکە شێخ کافی، بەرپرسی ژووری عەمەلیاتی بەرگری شارستانی هەولێر بە 964ی وت، تاوەکو ئێستا هیچ زیانێکی گیانی تۆمارنەکراوە و لە هەوڵی کوژاندنەوەی ئاگرەکەن.
بەگوێرەی زانیارییەکانی 964، ئێستا ئەو نوسینگەیە لەلایەن کوردستان تیڤی بەکارنایەت و چەند مانگێکە جێیانهێشتووە.
زانیاریی نوێ هات
بەرگری شارستانی هەولێر ئاگرەکەی کۆنترۆڵ کرد و جگە لە زیانی مادی، هیچ زیانێکی گیانی لێنەکەوتووەتەوە.
سەرکەوت کارەش بە 964ی وت، تاوەکو ئێستا دیار نییە هۆکاری ئاگرکەوتنەوەکە چی بووە.