پارێزگاری بانكی ناوهندیی عێراق عهلی عهللاق
پارێزگاری بانكی ناوهندیی عێراق:
“نرخی دۆلار جێگیره و گۆڕانكاری بهسهردا نایهت”
964+
ئهرسهلان عهبدوڵا
پارێزگاری بانكی ناوهندیی عێراق عهلی عهللاق ئهمڕۆ له ئیڤینتێك له ههولێر رایگهیاند، نرخی دۆلار جێگیره و گۆڕانكاری بهسهردا نایهت، دووپاتیشیكردهوه بانكی ناوهندی له یهدهگی دراو و زێڕ هیچ كێشهیهكی نییه.
عهلی عهللاق ئهمڕۆ سێشهممه 10.2.2026 بهشداریی ئیڤێنتی راگهیاندنی پڕۆژهی “E-Psule”ی كرد له ههولێر و له وتهیهكدا رایگهیاند، نرخی دۆلار جێگیره و ناگۆڕێت، بانكی ناوهندییش له یهدهگی دراو و زێڕ كێشهی نییه و بهردهوامیش دهبن له خستنهڕووی دۆلار بۆ بازاڕ.
964 لێدوانهكانی پارێزگاری بانكی ناوهندیی عێراقی بینی و ئاماژهی بهوهدا، پەرەپێدانی پارەدانی ئەلیکترۆنی لە عێراق تەواو نییە بەبێ هەماهەنگی و یەکگرتن لەگەڵ هەوڵەکان لە هەرێمی کوردستان، کە ئێمە لەگەڵ لایەنە پەیوەندیدارەکانی هەرێم کاردەکەین بۆ یەکخستنی سیستم و ستانداردە تەکنیکیەکان و فراوانکردنی خزمەتگوزارییە دیجیتاڵییە حکومی و بانکییەکان”
ههروهها وتی “مامەڵەکردن لە یەکخستنی دارایی پایەیەکی بنەڕەتییە بۆ گەشەپێدانی بەردەوام”.
عهللاق ههروهها ئهوهی خستهڕوو، “یەکێک لە گرنگترین میحوەرە ستراتیژییەکان لە پرۆسەی چاکسازیی ئابووری و داراییدا، پەرەپێدانی سیستمی پارەدانی ئەلیکترۆنی و گواستنەوەیە بەرەو ئابوورییەکی دیجیتاڵی، بە شێوەیەک کە خزمەت بە عێراق بە گشتی و هەرێمی کوردستان بەتایبەتی بکات”.
“زێدهڕۆییكردن له پشتبەستن بە پارەی کاش چیتر لەگەڵ پێداویستییەکانی ئابووری مۆدێرن ناگونجێت”، ئهمهش ههر قسهی عهلی عهللاقه.
