سلێمانی
کۆبوونەوە لە بەردەم بازاری کۆنی دۆلارەکە قەدەغە کرا
964+
دیلان محەمەد جەزا – سلێمانی
بەزمی بەرز و نزمی نرخی زیو بە جارێک مامەڵەکارانی خرۆشاندووە و بەدەیان کەس کۆدەبنەوە هەر بەبۆنەی ئەوەوە لە ئەمڕۆوە کۆبوونەوەی ئەو مامەڵەکارانە لەبەردەم بازاڕی کۆنی دراو لە سلێمانی قەدەغەکرا.
هێزە ئەمنییەکان رۆیشتنە شوێنەکە بە شریتی زەرد کۆبوونەوەیان لەسەر شەقامەکە قەدەغەکرد و کەس بۆی نییە لەو بەردەمەدا قەرەباڵغی دروست بکات.
پەیامنێری 964 لەبەردەم بازاڕی دۆلارەکەوە رایگەیاند ئەو قەرەباڵغییە ئاستەنگی هاتوچۆی بۆ بازاڕ و شەقامەکان دروست کردووە و هەر لەبەر ئەوە قەدەغەکراوە.
ئەو خەڵکەشی مامەلە بە زیوەوە دەکەن لە ئەمڕۆوە دەبرێنە ژێرزەمینی بازاڕی نوێی دراو لە سلێمانی و ئیتر رۆژانە لەوێ دەتوانن بە دڵی خۆیان مامەڵە بکەن.
پێداچوونەوە: توانا نەقی
