باوکی شەهید ئەحمەد: خەممان نەما و سەرمان بەرزە
هاوڵاتیانی كەمپی دارەشەكران دڵنەوایی باوکی شەهید ئەحمەد دەدەنەوە
964+
ئەحمەد شەمزین – هەولێر
هاوڵاتیانی كەمپی دارەشەكران لە سنووری پارێزگای هەولێر چوونەتە پێشوازی تەرمی شەهید ئەحمەد هێمن و دڵنەوایی باوکی دەدەنەوە.
ئەو هاوڵاتیانە دەڵێن، شەهید ئەحمەد کوڕی ئێمەیە و شەهیدی هەموو کوردستانە، خۆمان بە خەمخۆری کەسوکار و خانەوادەکەی دەزانین.
باوکی شەهید ئەحمەد قسەی بۆ مایکی 964 کردووە و دەڵێت، “کە ئەو پشتیوانی و پێشوازییەی خەڵکمان بینی خەممان نەما، سەرمان بەرزە بە خەڵک و گەلەکەی خۆمان”.
ئەحمەد هێمن گەنجێکی خەڵکی کەرکوک بوو، لە سەرەتای سەرهەڵدانی گرژی و ئاڵۆزییەکان لە رۆژئاوای کوردستان، لەگەڵ چەند گەنجێکی هاوڕێی بۆ پشتیوانی لە شەرڤانان چووە ئەو بەشەی کوردستان و گیانی لەپێناو پاراستنی خاک و نیشتمان بەخت کرد.
پێداچوونەوە؛ شۆڕش قادری
