"مۆڕاڵی کوردایەتی بەرزە"
تیمی 964 گەیشتە رۆژئاوای کوردستان و نوێترین زانیارییەکانتان پێدەڵێت
964+
توانا نەقی – قامیشلۆ
تیمی 964 گەیشتە رۆژئاوای کوردستان و لەمڕۆ بەدواوە سات بەساتی رووداوەکانی ئەو بەشەی کوردستانتان بۆ دەگوازێتەوە.
توانا نەقی نێردراوی 964 بۆ رۆژئاوای کوردستان دەڵێت، “لەناو شاری قامیشلۆ مۆڕاڵی خەڵک و کوردایەتی زۆر بەرزە و ئاڵای کوردستانیش بە بەرزی، لە ناوەڕاستی شار هەڵکراوە، کە بەقسەی دانیشتووانی ئەو شارە، ئەوە بۆ یەکەمجارە لەو شوێنە دانراوە و بەو شێوەیە دەشەکێتەوە”.
ئاماژەی بەوەشکرد، خەڵكێکی ئاوارەی زۆر لە ناوچەکانی دیکەی رۆژئاوای کوردستانەوە روویان لە شاری قامیشلۆ کردووە، بەڵام بەگشتی دۆخەکە ئاساییە.
بۆ نوێترین زانیارییەکان لەسەر رووداو و پێشهاتەکانی رۆژئاوای کوردستان و سوریا چاوتان لەسەر پلاتفۆڕمەکانی 964 بێت.
پێداچوونەوە؛ شۆڕش قادری
