هاتوچۆ هۆشداری دەدات
پێنج رێگەی سەرەکی لە سنووری راپەڕین داخران
964+
ژێوار خدر
تا دێت بەفر بارین زیاد دەکات و بەهۆشییەوە هەر یەک لە رێگەکانی کێلێ، وەرتێ و سماقوڵی بەهۆی بەفر و سەهۆڵبەندانەوە پەکیان کەوتووە و مەترسییان لەسەرە.
بەڕێوەبەرایەتی هاتوچۆی راپەڕین ئاگاداریی شۆفێران دەکاتەوە، کە بەهۆی بارودۆخی نالەباری کەشوهەوا و کۆبوونەوەی بەفر و بەستنی شەقامەکان، پێنج رێگەی گرنگی سنوورەکە بە تەواوەتی داخراون و هاتوچۆ تێیاندا مەترسیدارە.
بەپێی راگەیەندراوەکەی هاتوچۆ، رێگەکانی کێلێ، قەرەسرد، زینی وەرتێ، سماقوڵی و رێگەی بالیسان بۆ زینەتیر، بەهۆی چڕی بەفربارینەوە گیراون.
داوا دەکات، لەپێناو سەلامەتی گشتیی و پاراستنی گیانی هاوڵاتیان، ئەم رێگایانە بەکار نەهێنن گیراون:
رێگای کێلێ (مەرزى کێلێ)
رێگای قەرەسرد (ئیدارەى راپەڕین- سلێمانى)
رێگای زینوی وەرتێ (ئیدارەى راپەڕین- ئیدارەى سۆران)
رێگای ســماقـــــوڵــی (ئیدارەى راپەڕین- هەولێر)
رێگای بالیسان بۆ زینەتیر
