سەر بە حكومەتەكەی ئەلشەرعە
چەكدارێک كێڵی گۆڕی شەهیدانی كورد لە حەسەكە دەشكێنێت
964+
ئەرسەلان عەبدوڵا
چەكدارێكی سەر بە گرووپە چەكدارەكانی حكومەتیی كاتیی سوریا چووتە گۆڕستانی شەهیدانی شاری شەدادی لە هەرێمی جەزیرەی رۆژئاوای كوردستان و كێلی گۆڕەكان دەشكێنێت و سووكایەتییان پێدەكات.
ڤیدیۆی ئەو كارەی چەكدارەكە، لە ئاژانسی هاوار نیوزەوە بڵاوكراوەتەوە و 964یش دەستی كەوتووە، كە دەردەكەوێت دوای هاتنی هێزەكانی گرووپە چەكدارەكانی سەر بە حكومەتی ئەحمەد ئەلشەرع، چەكدارەكە یەكەیەكە كێل و ناونیشانی سەر گۆڕی شەهیدەكان دەشكێنێت.
بەگوێرەی سەرچاوەكە، ئەو چەكدارانە پێشتریش چوونەتە گۆڕستانی شەهیدان لە گوندی بەنو سەر بە ناوچەی شەقیف لە باكووری رۆژئاوای شاری حەلەب و لەوێش هەمان كاریان كردووە.