پەیامێک لە مەزڵوم عەبدییەوە؛
“شەڕێکی هەمەلایەنەمان بەسەردا سەپێندرابوو”
964+
فەرهاد حەسەن
مەزڵووم عەبدی، فەرماندەی گشتی هێزەکانی سوریای دیموکرات دەڵێت، پلانی شەڕێکی ناوخۆ لەلایەن زۆرێک لایەنەوە دانرابوو و ئەو شەڕەش بەسەر ئێمەدا سەپێندرابوو، ئێستاش کە رێکەوتن کراوە پێویستە هێزەکانمان لەهەندێک شوێن بکشێنینەوە.
لە پەیامێکدا کە کەمێک پێش ئێستا بڵاوکرایەوە، فەرماندەی گشتیی هەسەدە دەڵێت، “لەم شەڕە شەهید و بریندارێکی زۆرمان دا بەڵام ویستمان ژمارەی قوربانییانی سڤیل زیاتر نەبێت، بۆیە لە هەرێمەکانی دێرەزوور و رەققە کشاینەوە بەرەو حەسەکە و لەسەر ئەو بنەمایە رێککەوتن کراوە.
ئاماژەی بەوەشکرد، بۆ راگرتنی شەڕەکە چەندین کۆبوونەوەیان ئەنجامداوە، لەوانەش کۆبوونەوەکەی هەولێر، دەشڵێت، “سبەینێ دەچینە دیمەشق و لەسەر ئەم پرسانە کۆدەبینەوە”.
بارزانى میواندارى کۆبوونەوەیەکی گرنگی نێوان ئەمریکا و هەسەدە و ئەنەکەسەی کرد
