دەبێتە یەکەمین کارگە لە هەرێم
لە ئیدارەی سۆران کارگەیەک بۆ خاوێنکردنەوەی بوتڵی غاز دروستدەکرێت
964+
فەرهاد حەسەن
لە ئیدارەی سۆران کارگەیەک بۆ خاوێنکردنەوەی بوتڵی غازی ماڵان دروست دەکرێت، کە ساڵانە بۆ سەلامەتی گیانی هاوڵاتیان بوتڵەکان خاوێندەکاتەوە و باس لەوەش دەکرێت کە لە هەرێمی کوردستاندا تا ئێستا هاوشێوەی ئەم کارگەیە نەبووە.
ئەمیر شانەدەری، بەڕێوەبەری نەوت و کانزاکانی ئیدارەی سۆران بە 964ـى وت، دروستکردنی کارگەکە بە مەبەستی سەلامەتی و دڵنیایی بوتڵی غازی ماڵانە و کاری خاوێنکردنەوە و چاککردنەوەی بوتڵەکان دەکات.
وتیشی “دامەزراندنی کارگەکە قۆناغی دابینکردنی زەوی لەلایەن شارەوانییەوە تێپەڕاندووە و زەوی بۆ دابینکراوە.
هەروەها دەڵێت، “لەسەر ئاستی هەرێمی کوردستان هاوشێوەی ئەم کارگەیە نەبووە و بۆ یەکەمجاریشە لە ئیدارەکەمان دروست دەکرێت”.
ئاماژەی بەوەش کرد، دروستکردنی کارگەکە دوای گلەیی و داواکاری هاوڵاتیان دێت، کە هەمیشە باسیان لە کۆنی و خراپی کوالێتیی بوتڵەکانی غاز دەکرد، باسیان لەوەش دەکرد ئاو تێکەڵی غاز بووە، بۆیە دروستکردنی ئەم کارگەیەیان بە گرنگ و پێویست زانی.
پڕکردنی بتڵی غاز لە بەنزینخانەکان قەدەغەکراوە
