پڕکردنی بتڵی غاز لە بەنزینخانەکان قەدەغەکراوە

عەبدولعەزیز خالند – هەولێر

تا ماوەیەک پێش ئێستا هاوڵاتیان دەیانتوانی بتڵی غازی ماڵەوەیان لە بەنزینخانەکان پڕبکەنەوە بەڵام بەهۆی فێڵی بەشێک لە غازفرۆشان قەدەغە کراوە.

محەمەد زرار غازفرۆش قسەی بۆ 964 کردووە و دەڵێت، جگە لە هاوڵاتیان غازفرۆشەکانیش فێربوون دەچوون لە بەنزینخانەکان غازیان پڕ دەکرد و کەمترینا تێدەکرد ئەوەش بە فرتوفێڵ حساب دەکرێت.

وتیشی، جگە لە کەمیەکەی بتڵەکان لە بەنزینخانە سیانە ناکرێنەوە و تەنانەت واشێری سەریشی سەیر ناکرێت و ناگۆڕدرێت بۆیە مەترسی تەقینی لەسەرە.

لەلایکی دیکەوە بۆ هاوڵاتی باش بوو کە لە بەنزینخانە پڕی بکات چونکە دەیوانی بە دڵی خۆی و بایی چەندی بوێت غازی تێبکات، غازفرۆشکە وا دەڵێت.

بڕیاری قەدەغەکردنی پڕکردنی بتڵی غازی ماڵان لەلایەن لیژنەکانی وەزارەتی سامانە سروشتیەکانی هەرێمەوە بووە.

پێداچوونەوە: توانا نەقی