كوردانی گەڕەكە كوردییەكانی حەلەب ماڵەكانیان چۆڵ دەكەن

964+

ئەرسەلان عەبدوڵا

میدیا عەرەبییەكان بڵاویانكردەوە، خەڵكی گەڕەكە كوردییەكانی شاری حەلەب، بە تایبەتی ئەشرەفییە و شێخ مەقسود، ماڵەكانیان جێدەهڵێن و بە دوای پەنایەكی ئارامدا دەگەڕێن، ئەمەش دوای كۆتاییهاتنی ئاگربەستی نێوان هەسەدە و سوپای سوریا.

هاوكات سوپای سوریا رایگەیاندووە، گەڕەكە كوردییەكان ئێستا ناوچەی سەربازیین و دەبنە ئامانجی سوپا.

بە پێی زانیارییەكانی تەلەڤزیۆنی سكای نیوز عەرەبی، پێشبینیی دەكرێت لە كاتژمێرەكانی داهاتوو سوپای سوریای حكومەتی ئەحمەد ئەلشەرع هێرش بكاتە سەر گەڕەكە كوردییەكانی حەلەب و ئەگەری شەڕێكی گەورە هەیە.

شەوی رابردووش هێزەكانی سوریا گەڕەكە كوردییەكانی شاری حەلەبیان بۆردومان كرد و سێ هاوڵاتی گیانیان لەدەست دا و ژمارەیەكیش بریندار بوون.

جارێكی دیكە گەڕەكە كوردییەكانی حەلەب بۆردومان كران