دۆناڵد ترەمپ سەرۆکی ئەمریکا رایگەیاند، نیکۆلاس مادۆرۆ و ژنەکەیان دەستگیر کردووە – وێنە؛ سکای نیوز
جێگرى مادۆرۆ
“نازانین مادورۆ لەکوێیە و داوای بەڵگەی مان لە ژیان لە ئەمریکا دەکەین”
964+
وریا فەتاح
دێڵسی رۆدریگێز، جێگری سەرۆکی ڤەنزوێلا، رایگەیاند کە شوێنی مانەوەی نیکۆلاس مادورۆ و سیلیا فلۆرێسی هاوسەری نادیارە و داوای لە ویلایەتە یەکگرتووەکانی ئەمریکا کرد “بەڵگەی مان لە ژیان”یان پێ بدات.
بەوتەى رۆدریگێز، دوای هێرشە ئاسمانییە “دڕندانەکەی” ئەمریکا بۆ سەر ڤەنزوێلا، پەیوەندییان بە سەرۆک و هاوسەرەکەیەوە پچڕاوە و چارەنووسیان نادیارە.
جێگرى سەرۆک وێراى جەختکردنەوە لەوەى کە شوێنى سەرۆکەکەیان نازانن، داواش دەکات کە ئەمریکا بەڵگەى مان لە ژیانى سەرۆک و هاوسەرەکەى بە ڤەنزوێلا بدات.
ئەم لێدوانە مەترسیدارەی جێگری سەرۆکی ڤەنزوێلا دوای ئەوە دێت، کە دۆناڵد ترەمپ سەرۆکی ئەمریکا رایگەیاندبوو مادورۆ و هاوسەرەکەیان دەستگیرکردووە و لە وڵات بردویاننەتە دەرەوە، بەڵام حکومەتی ڤەنزوێلا تاوەکو ئێستا تەنیا وەک “بێسەروشوێنبوونی دوای بۆردومان” باس لە بابەتەکە دەکات.
