پشکی شێر بەر بانە کەوتووە
بەفر کارەبای زیاتر لە 300 گوندی لە سنە کوژاندووەتەوە
964+
شۆڕش قادری
بەفر کارەبای زیاتر لە 300 گوندی لە پارێزگای سنەی رۆژهەڵاتی کوردستان کوژاندووەتەوە.
ئاژانسی هەواڵی ئیرنا لەزاری عەلی موقیمی جێگری بەڕێوەبەری کارەبای پارێزگای سنە بڵاویکردووەتەوە، بەهۆی کڕێوە و بەفربارینی چەند رۆژی رابردوو کارەبای 326 گوند لە تەواوی پارێزگاکە پچڕاوە کە 226ـیان گوندەکانی سەربە شاری بانە و 60 گوندیش هی شاری سەقز بوون.
ئاماژە بەوەشکراوە، تا ئێستا توانیویانە کارەبای 199 گوند چاک بکەنەوە و 127ـیان هێشتا بێ کارەبان.
عەلی موقیمی راشیگەیاندووە، کارکردنی تیمەکانیان بەردەوامە و لە چەند کاتژمێری داهاتوودا کارەبای سەرجەم گوندەکان هەڵدەکەنەوە.