پەیامنێری 964 چەند هاوڵاتییەکی دواندووە

2025 بۆ بەشێک لە هاوڵاتیان خۆش و بۆ هەندێکیشیان ناخۆشترین ساڵ بووە

964+

عەبدولعەزیز خالند – هەولێر

ساڵی 2025 بەخۆشی و ناخۆشییەکانیەوە تەواوبوو و سبەی یەکەم رۆژی ساڵی تازەیە، ئەمسال بۆ هەندێک لە هاوڵاتیان خۆش و پڕدەستکەوت و بۆ هەندێکشیان ناخۆش و رای جیاوازیان لەسەری هەیە.

پەیامنێری 964 چووەتە ناو بازاڕی هەولێر و رای چەند هاوڵاتییەکی وەرگرتووە، سامان عەلی دەڵێت، “بەعام ساڵێکی خۆش بوو و ئەوەش کە ئەمساڵ ناوم بۆ حەج دەرچوو، یەکێک بوو لە خۆشترین شتەکان بەلامەوە”.

هیواش دەخوازێ لە ساڵی تازەدا سەفەری مەککە و حەجەکەی بەسەلامەتی جێبەجێ بکات، هیچی دیکەی ناوێ.

بەپێچەوانەوە کاوە محەمەد ناخۆشترین ساڵی تێپەڕاندووە و هۆکارەکەیشی ئاشکرا ناکات و دەڵێ، “با هەر لە دری خۆمدا بێ”، بەئومێدیشە لە ساڵی تازەدا مورازی دڵی حاسڵ بێ و ئەو کەسەی لێی دوورکەوتووەتەوە، بچێتەوە لای.

پێداچوونەوە؛ شۆڕش قادری

ساڵی 2025 لە هەرێمی کوردستان یەکەم رۆژی خۆی دەستپێکرد

ساڵی 2025 لە هەرێمی کوردستان یەکەم رۆژی خۆی دەستپێکرد

گوڵەڕەعنا بوو بە شاجوانی ساڵی 2025

گوڵەڕەعنا بوو بە شاجوانی ساڵی 2025