ئۆتۆمبێلێکی زۆر لە رێگای نێوان چۆمان بۆ حاجی ئۆمەران ماونەتەوە

964+

ئاکام غەفوور – چۆمان

لە سەر رێگای نێوان چۆمان بۆ حاجی ئۆمەران ئاستەنگی هاتوچۆ دروست بووە و ئۆتۆمبێلێکی زۆر لە لۆفەکانی ئازادی ماونەتەوە.

شۆفێرێکی تەکسی کە ئیشی رۆژانەی لەو رێگایەدایە و هاوڵاتیان دەگوازێتەوە، قسەی بۆ مایکی 964 کردووە و دەڵێت، “ئەمڕۆش دەمویست بچمە حاجی ئۆمەران، لە کاتژمێر 8:30 خولەکی بەیانییەوە لێرەم، بەڵام سەرنەکەوتم و لێرە ماوینەتەوە”.

ئاماژەی بەوەشکرد، بارهەڵگر و سەیارەی گەورە لە حاجی ئۆمەرانەوە دێت، بەڵام رێگای سەرکەوتن بە لۆفەکانی ئازادی داخراوە و ژمارەیەکی زۆر ئۆتۆمبێل ماونەتەوە.

هەرچەندە لە بەیانی زووە تیمەکانی چاککردنەوە و پاراستنی رێگاوبانی سۆران کەوتوونەتەخۆ و دەستیان بە پاککردنەوەی رێگاکان کردووە، بەڵام بەفربارینی بەردەوام ئاستەنگی هاتوچۆی لە چەند رێگایەکی ئەو دەڤەرە دروستکردووە.

پێداچوونەوە؛ شۆڕش قادری

بەفر رێگای نێوان ئیدارەی سۆران و راپەڕینی داخستووە