راپرسییەك لەناو توێژینەوەیەکی نوێدا؛
ئاشکرا بوو کە بۆچی ئەم هەموو گەنجەی ئیدارەی راپەڕین بە رێگای قاچاخ کۆچ دەکەن
964+
فەرهاد حەسەن
راپرسییەكی نوێ، ئاشکرای دەکات کە بۆچی ئەم هەموو گەنجەی ئیدارەی راپەڕینە بە رێگای قاچاخ کۆچدەکەن ماڵ و حاڵ و کەسوکاریان بەجێدەهێڵن، هۆکارەکەش بە رێژەن نزیکەی 70% بێکاری و خراپی دۆخی داراییانە.
راپرسییەکە لەناو توێژینەوەیەکی نوێی دامەزراوەی ڤیژن ئاماژەی پێکراوە، کە دەربارەی هۆکارەکانی زۆری کۆچی گەنجان لە ئیدارەی راپەڕین بە رێگای قاچاخ کاریان لەسەرکردووە.
بەپێی توێژینەوەکە 69.26%ـی گەنجان هۆکاری سەرەکی کۆچکردنی گەنجان بێکارییە و 44.81% خراپی بژێوی ژیانیانە بۆیە بە رێگای قاچاخ و نایاسایی کۆچدەکەن.
دامهزراوهى ڤيژن بۆ لێكۆڵينهوهى ستراتيژى، نوێترين توێژينهوهى به زمانى ئينگليزى لهبارهى بێكارى گهنجان له دهڤهرى راپهڕين و زۆرى رێژهى كۆچى گهنجان له ناوچهكه بڵاوكردهوه، توێژینەوەکەش پشتی بەستووە بە راپرسیەکی مەیدانی لە نێو گەنجانی ناوچەکەدا.
بەپێی توێژینەوەکە کە لەلایەن هەردوو توێژەر د. دیدار عەبدولکەریم و ئەلەند مەحوی ئەنجامدراوە، 27.49% پێیانوایە تارادەیەک رێگاکانی کۆچی نایاسایی بەردەستن، 82.68%ـی گەنجانی ئیدارەی راپەڕین زانیاری تەواویان هەیە دەربارەی مەترسیەکانی رێگای قاچاخ بۆ کۆچکردن، بەڵام سەرەڕای زانینی مەترسیەکان پەنای بۆ دەبەن.
دەربارەی هۆکارەکانی بێکاری گەنجانی ئیدارەی راپەڕین، کە هۆکاری یەکەمی کۆچی نایاساییە، توێژینەوەکە ئەوەی ئاشکراکردووە، کە ”رێژەی 46%ـی گەنجان بێکاریی بۆ بەردەوامی قەیرانی دارایی دەگێڕنەوە، رێژەی 44% هۆکاری بێکاری بۆ نا یەکسانی لە دابەشکردنی دەرفەتەکان دەگێڕنەوە، لە بەرامبەردا رێژەی 56.71%ـی گەنجان بڕوایان وایە پاڵپشتیکردنی پڕۆژەی بچوک رێگایەکی گونجاوە بۆ کارسازی و کەمکردنەوەی بێکاری”.
لهم توێژينهوهيهدا هۆكارهكانى بێكاريى گهنجان له چهند رهههندێكى ئابورى، كۆمهڵايهتى، كهلتورى، سياسى و ياسايى خراونهتهڕوو، له رێگهى راپرسيى مهيدانيشهوه كه لهسهر 462 گهنجى ناوچهكه ئهنجامدراوه گهيشتونهته ئهو دهرئهنجامهى كه بێكارى هۆكارێكى سهرهكي كۆچى گهنجانه و بهشێكى زۆرى بهشداربوانى راپرسييهكه ئهندامێك يان زياتر له خێزانهكهيان كۆچيان بۆ دهرهوهى وڵات كردووه.
کۆچی یاسایی دەکرێتەوە و خۆتان لە ئاوی قاچاخ مەدەن
