دوو کەس لەکاتی دروستکردنی دەواجین دەستگیر کران – وێنە؛ پۆلیسی دارستان و ژینگەی سلێمانی
"ئیشەکەیان نایاسایی بووە"
ویستیان دەواجین دروست بکەن؛ دەستگیر کران
964+
شۆڕش قادری
لە گوندی مۆکەبەـی سەربە پارێزگای سلێمانی، دوو هاوڵاتی ویستان دەواجین دروست بکەن، بەتۆمەتی زیادەڕەوی دەستگیر کران، لە عەربەتیش دوو کەس لەسەر داربڕین گیران.
بەپێی راگەیەنراوێکی بەڕێوەبەرایەتی پۆلیسی دارستان و ژینگەی سلێمانی، مەفرەزەیەكی بەشی پۆلیسی دارستان و ژینگەی شارباژێر دوو هاوڵاتیان لە سنوری گوندی مۆکەبە بە تۆمەتی زیادەڕەوی و دروستکردنی کێڵگەی پەلەوەر (دەواجین) بە شێوەیەکی نایاسایی، دەستگیر کردووە.
بە فەرمانی دادوەر کارکردن لەو شوێنە راگیراوە و پەڕاوی لێکۆڵینەوە بۆ دۆسیەکە کراوەتەوە.
هەر ئەمڕۆ دوو کەس لەلایەن کارمەندانی ئاسایشی بازگەی عەربەتەوە دەستگیر کراون کە ژمارەیەک داری سروشتی بڕاوەیان بارکردبوو.
لەگەڵ ئەوەشدا دەستگیراوە بەسەر ئۆتۆمبێلێكدا و رادەستی بنکەی پۆلیسی دارستان و ژینگەی عەربەت کراوە، پەڕاوی لێکۆڵینەوە بۆ ئەو رووداوەش کراوەتەوە.
شارەوانی سلێمانی بۆ دانیشتوانی 28 گوند: مۆڵەتی دروستکردنی خانوتان پێدەدەین
