لە ماوەی 40 خولەک 13 ملیۆن دینار کۆکرایەوە
کۆکردنەوەی هاوکاری لەسەر شەقامەکان بەردەوامە
964+
عەبدولعەزیز خالند – هەولێر
لەسەر شەقامەکان کۆکردنەوەی هاوکاری بۆ قەزای چەمچەماڵ و دەورووبەری بەردەوامە و هونەرمەند فاخیر هەریری و چەند گەنجێک لەسەر شەقامی هەولێر بۆ موسڵ کەمپیەنەکەیان بۆ دووەم رۆژ بەردەوامە.
فاخیر هەریری هونەرمەند بە 964ـی وت، “لە دوێنێوە کەمپینەکەمان دەست پێکردووە و تا سبەنێش بەردەوام دەبین، ئەوەی ئێمە لە چەمچەماڵ بینیمان هەموو شتێک لەوێ زیانیبپێگەیشتووە و خۆشەویستی ئەو خەڵکەش وا لە من دەکات بەردەوام بم”.
ئاماژەی بەوەکرد، تەنیا لە ماوەی 40 خولەک توانیویانە 13 ملیۆن دینار کۆبکەنەوە و ئەوان تەنیا پارە و کەلوپەلی نوێ وەردەگرن.
پێداچوونەوە: توانا نەقی
