"لە هەوڵداین ئاستی بەرهەمهێنان ئاسایی ببێتەوە"
وەزارەتی كارەبای هەرێم سوپاسی ئارامی و خۆڕاگری هاوڵاتیان دەكات
964+
فهرهاد حهسهن
وەزارەتی کارەبای هەرێم، سوپاسی ئارامی و خۆڕاگری هاوڵاتیان دەكات و دەشڵێت، هەوڵەکانیان چڕکردوەتەوە بۆ ئەوەی ئاستی بەرهەمهێنان ئاسایی ببێتەوە و بەزوترین کاتیش کارەبا بگەڕێتەوە نێو سەرجەم ماڵ و فرۆشگا و کارگەکان.
وەزارەتی کارەبا، ئەمشەو لە راگەیەندراوێكدا بڵاویكردەوە، سوپاسی یەکە بە یەکەی هاوڵاتیانی هەرێمی کوردستان دەکات لە بەرامبەر ئارامی و خۆڕاگرییان لەم کاتە سەختەدا، ئاماژە بەوەشدەکات ئەوە هێرشێکی تیرۆریستی بوو دژی هاوڵاتیانی هەرێمی کوردستان ئەنجامدرا.
هەموو لایەک دڵنیا دەکاتەوە کە شانبەشانی هەریەک لە وەزارەتی سامانە سروشتییەکان و هێزە ئەمنییەکان و دانا غاز هەوڵەکانیان چڕکردوەتەوە بۆ ئەوەی ئاستی بەرهەمهێنان ئاسایی ببێتەوە و بەزووترین کاتیش کارەبا بگەڕێتەوە نێو سەرجەم ماڵ و فرۆشگا و کارگەکان.
وەزارەتی كارەبا باسی لەوەشكردوە، گەورەترین ئامانجمان سەلامەتی و ئاسودەیی هاوڵاتیانی خۆمانە، لە حاڵەتی هەبوونی هەر پێشهاتێکی نوێش، بەزووترین کات ئاگادارتان دەکەینەوە”.
سبەی وەزارەتی كارەبا تاقیكردنەوەیەكی تایبەت ئەنجام دەدات
