رۆژ رۆژى هەڵەبجەیە و شێرزاد حەسەنیش بریندارە

ژووری هەواڵ

ئەمڕۆ، رۆژ رۆژى هەڵەبجە بوو، یادی 156 ساڵەی بەقەزابوونی شارەکە کرایەوە، خەڵکى شارەکەش خۆیان رازاندەوە و بە چەند چالاکییەک یادەکە بەرز راگیرا.

دەرفەتێکی دیکە بۆ بەستنی پێوەری ئاو راگەیەنراو و پارەی ئاو لە 45 هەزار دینارەوە کەمکرایەوە بۆ 20 هەزار و 10 هەزار دینار، هەر ئەوەشنا داشکانیشی لەگەڵدایە.

شێرزاد حەسەن، ئەو رۆماننووسە بیرفراوان و جواننووسەی کورد کە رۆمانەکانى پڕن لە پرسیارە قوڵەکانى ژیان، ئەمڕۆ لەسەر شەقامێکى سادەى شارە حەیاتەکە کەوتە ژێر ئۆتۆمبێل و بەسەختى بریندار بوو.

دەوترێت قاوە هێماى پۆزە و لە ناو کوردا زۆر جار بۆ گاڵتە دەوترێت ئەگەر دەتەوێت موسەقەف بیت قاوە بخۆیت، جا ئەگەر بتەوێت کوپێک قاوە بخۆیتەوە رەنگە هەرزانترینى لە بازاڕدا 2000 دینار بێت، بەڵام دارى قاوە هەر لە کڕین نایەت.