بۆ راوی باڵندەی کێوی بەکارهاتوون
کۆمەڵێک گۆمی ئاو و سیپەی راوچییان لە دەشتی دێلیزیان تێکدران
964+
شۆڕش قادری
لە دەشتی دێلیزیان لە سنووری ئیدارەی سەربەخۆی سۆران، کۆمەڵێک سیپە و گۆمی ئاو دروستکرابوون بۆ راوکردنی باڵندە کێوییەکان لە شەودا، پۆلیسی دارستان و ژینگە چووە سەریان و هەموویانی تێکدا.
بەپێی راگەیەنراوێکی بەڕێوەبەرایەتی پۆلیسی دارستان و ژینگەی سۆران، ئەمڕۆ چوارشەممە 19.11.2025 لەگەڵ بەڕێوەبەرایەتی پۆلیسی دارستان و ژینگەی رواندز دوو مەفرەزەیان ناردووەتە دەشتی دێلیزیان و کۆمەڵێک گۆمی ئاو و سیپەیان بە شۆفڵ تێکداوە.
ئاماژە بەوەشکراوە، ئەو شوێنانە لەلایەن ژمارەیەک هاوڵاتییەوە دروستکرابوون و بۆ راوکردنی باڵندەی کێوی لە شەواندا بەشێوەی نایاسایی بەکارهاتوون.
سیپە واتە حەشارگەی راوچییەکان کە خۆیانی تێدا دەشارنەوە و سەنگەر لە باڵندە و ئاژەڵە کێوییەکان دەگرن.
خێرخوازێک 400 باڵندە و ئاژەڵی کێوی لە راوچی کڕیوە
