نوێژی موسوڵمانان لە مەککە - وێنە: تۆڕی ئێکس
کوردستان بەشدارە
بۆ پڕۆسەی حەج 100 بیرۆکەی نوێ پێشکەش دەکرێن
964+
ئەحمەد مستەفا
لە رۆژی 9.11.2025 بۆ 12.11.2025، پێنجەمین كۆنفڕانس و پێشانگەی نێودەوڵەتی حەج لە سعودیە بەڕێوەدەچێ، 260 كۆمپانیای بواری گەشتیاری و تەكنەلۆژیا و تەندروستی و خزمەتگوزارییەكان بەشدارن.
لەوێ 100 بیرۆكەی نوێ بۆ باشتركردنی خزمەتگوزارییەكان لە پڕۆسەی حەج پێشكەش دەكرێ، هەروەها شاندێكی بەڕێوەبەرایەتیی حەج و عومرەی هەرێمی كوردستانیش تێیدا بەشدار دەبن.
ئامانجی كۆنفڕانسەكە پێشكەشكردنی خزمەتی زیاتر و خستنەبەردەستی نوێترین تەكنەلۆژیای سەردەمە بۆ هەموو ئەو زیارەتكارانەی لە ساڵانی داهاتوو پڕۆسەی حەج لە وڵاتی سعوودییە ئەنجام دەدەن.
بە گوێرەی راگەیەندراوی وەزارەتی حەج و عومرەی سعودیە، لە كۆنفرانسەكەدا بەكارهێنانی زیرەكی دەستكرد یەكێك دەبێت لە بابەتە گرنگەكان لە چوارچێوەی پلانەكانی سعودیە بۆ پڕۆسەی حەج تا ساڵی 2030.
شاندی بەڕێوەبەرایەتیی حەج و عومرەی هەرێمی كوردستان وەک میوان، بەشداری لە پێنجەمین كۆنفرانس و پێشانگەی نێودەوڵەتیی حەج لە وڵاتی سعودیە دەكەن.
