نرخی نەوت کەمێک بەرزبووەوە

شۆڕش قادری

چەند رۆژێکە نرخی نەوت لەبن 65 دۆلار دێت و دەچێت و ئەمڕۆش کەمێکی تر بەرزبووەوە و هەر بەرمیلێک بە زیاتر لە 64 دۆلار و نیو مامەڵە دەکرێت.

ئەمڕۆ شەممە 1.11.2025 و لە کاتی کردنەوەی بازاڕی جیهانیی نەوت،  یەک بەرمیل نەوتی برێنت بە 64 دۆلار و 77 سەنت دیاری کراوە و لەچاو دوێنێ ئێوارەدا نرخەکەی 0.62% بەرزبووەتەوە.

هەروەها نرخی یەك بەرمیل نەوتی تێكساس بە 60 دۆلار و 98 سەنت مامەڵەی پێوەدەکرێت و ئەویش نرخەکەی بەرێژەی 0.68% بەرزبووەوە.

بەرزبوونەوەى نرخى نەوت لە قازانجى عێراقە، چونکە 95%ـى داهاتى نەختینەی عێراق پشت بە نەوت دەبەستێت، لە دواى رادەستکردنى نەوتى هەرێمیش بە سۆمۆ، پشکى عێراق هەرێم لە بازاڕى نەوتدا زیاترە و ئەگەر نرخى نەوت بەرز بێت، کێشە بۆ موچەى فەرمانبەران لە عێراق دروست نابێت.