"ئازار و ئەشکەنجەی زۆر درام"
بۆ وەرگرتنی عیلاج چووە ئێران؛ بەتۆمەتی سیخوڕی بۆ ئیسرائیل دەستگیر کرا
964+
بڕوا مەجید – سەیدسادق
لەگەڵ راگەیاندنی ئاگربەستی نێوان ئێران و ئیسرائیل، گەنجێکی دانیشتووی گوندی شانەدەری قەزای سەیدسادق، بۆ وەرگرتنی چارەسەری پزیشکی و سەردانی دوکتور، چووەتە ئێران، بەڵام بەتۆمەتی سیخوڕی بۆ ئیسرائیل دەستگیر کراوە و ئازار و ئەشکەنجەی زۆریش دراوە.
کاروان محەمەد قسەی بۆ مایکی 964 کردووە و دەڵێت، “رۆژی 26.6.2025 بە مەبەستی پشکنینی چاو و کڕینی پێداویستی پزیشکی چوومە ئێران، لە یەکێک لە بازگەکانی نزیک تاران دایانبەزاندم، هەرکە زانیان جەوازەکەم عێراقییە، بردیانم بۆ لێکۆڵینەوە و دوای لێدانێكی زۆر، دەیانویست بڵێم کە سیخوڕی ئیسرائیلم”.
“دوای چوار مانگ لە دەستبەسەرکەردنم و لێکۆڵینەوە، هیچ بەڵگەیەکیان لەسەرم دەست نەکەوت و بەبڕیاری دادوەر ئازاد کرام”، کاروان محەمەد وای وت.
ئاماژەی بەوەشکرد، ئومێدی ئازادبوونی لێ بڕاوە و بەتەمای گەڕانەوە بۆ کوردستان نەبووە، دەشڵێت، “بەژیانم ناچمەوە ئێران”.
پێداچوونەوە؛ شۆڕش قادری
ئێران: دوو سیخوڕى مۆسادمان دەستگیرکرد
