"سێ کۆگا سووتاون"
وردەکاری رووداوی ئاگرکەوتنەوەکەی سەر رێگای کەرکوک – هەولێر
964+
رێباز خدر – هەولێر
لە رووداوی ئاگرکەوتنەوەکەی سەر رێگای کەرکوک – هەولێر سێ کۆگا سووتاون، ئاگرەکە زیانی گیانی نەبووە و تەنیا زیانی ماددی لێکەوتووەتەوە.
لەسەر رێگای هەولێر – کەرکوک ئاگر لە کۆگایەک کەوتەوە
نزیک کاتژمێر 1ـی پاشنیوەڕۆی ئەمڕۆ دووشەممە 13.10.2025 لەسەر رێگای هەولێر – کەرکوک و بەدیاریکراوی لەسەر رێگای قوشتەپە – بێستانە، ئاگر لە کۆگایەکی هەڵگرتنی کەلوپەلی کارەبایی کەوتەوە.
شوان ئەحمەد شایەتحاڵێکی رووداوەکە بە 964ـی وت، “بەپێی زانیارییە سەرەتاییەکان ئاگرەکە بەهۆی شۆرتی کارەباوە سەریهەڵداوە و بەهۆیەوە سێ بۆ چوار کۆگا سووتاون”.
ئاماژەی بەوەشکرد، رووداوەکە زیانی گیانی نەبووە و تەنیا زیانی ماددی لێکەوتووەتەوە، تا ئێستاش ئاگرەکە کۆنتڕۆڵ نەکراوە و تیمەکانی بەرگری شارستانی هەولێر سەرقاڵی کوژاندنەوەی ئاگرەکەن.
پێداچوونەوە؛ شۆڕش قادری
لە ئاگری بەنزینخانەکەی هەولێر دوو بارهەڵگر و ئۆتۆمبێلێک سووتاون
