تیمەکان سەرقاڵی کۆنتڕۆڵکردنی ئاگرەکەن
لە ئاگری بەنزینخانەکەی هەولێر دوو بارهەڵگر و ئۆتۆمبێلێک سووتاون
964+
عەبدولعەزیز خالند – هەولێر
لە ئاگری بەنزینخانەکەی گەڕەكی فەرمانبەرانی هەولێر دوو بارهەڵگر و ئۆتۆمبێلێک سووتاون و هێشتا بەتەواوەتی کۆنتڕۆڵ نەکراوە.
لە گەڕەکی فەرمانبەرانی هەولێر بەنزینخانەیەک ئاگری گرت
بەیانی ئەمڕۆ لە گەڕەکی فەرمانبەرانی هەولێر و لەسەر جووتسایدی زەیتونە ئاگرێکی گەورە لە بەنزیخانەی لاپ کەوتەوە.
پەیامنێری 964 لە شوێنە رووداوەکە زانیاری وردی سەبارەت بە ئاگرە ئاشکرا کرد و وتی، ئاگرەکە لە بەشی پشتەوەی بەنزینخانەکە سەریهەڵداوە و تیایدا دوو بارهەڵگر و ئۆتۆمبێلێک سووتاون.
وتیشی، بەنزینخانەی لاپ دەكەوێتە شەقامی كۆرنیش بەدیاریكراوی بەرامبەر قوتابخانەی ساڤای تایبەتە و رۆژانە بەنزینی 750 دیناری لێ دابەش دەکرێت، بەڵام ئەمڕۆ نۆرەی نەبووە و ئەو جۆرە بەنزینەی دابەش نەکردووە.
پەیامنێری 964 ئەوەشی خستەڕوو، چەند تیمێکی بەرگری شارستانی سەرقاڵی کۆنتڕۆڵکردنی ئاگرەکەن و هێشتا نەیانتوانیوە بەتەواوەتی کۆنتڕۆڵی بکەن.
پێداچوونەوە؛ شۆڕش قادری
