لە خورماڵ کەسێک دوو گەڵابە و دووتەنییەک داری سروشتی بڕییەوە – وێنە؛ پۆلیسی دارستان و ژینگەی هەڵەبجە
لە خورماڵ بووە و شۆڕەبی و دارتوو قەتڵوعام کراون
دوو گەڵابە و دووتەنییەک داری سروشتی بڕییەوە؛ دەستگیر کرا
964+
شۆڕش قادری
لە گوندێکی ناحیەی خورماڵ، هاوڵاتییەک دوو گەڵابە و دووتەنییەک شۆڕەبی و دارتووی بڕییەوە، پۆلیسی دارستان و ژینگە چووە سەری و قۆڵبەستی کرد.
سەیوان سەراوی بەڕێوەبەری پۆلیسی دارستان و ژینگەی خورماڵ بە 964ـی وت، دوای ئاگادارکردنەوەیان لەوەی کە لە گوندی قەدەفەری کەسێک سەرقاڵی بڕینەوەی دارە، دەستبەجێ تیمێکیان چووەتە شوێنەکە و کابرای تەوربەدەستیان دەستگیر کردووە.
“دوو گەلابە و دووتەنییەک دار لە جۆری دار بی و دارتووی بڕیوەتەوە، هەموویان دەستیان بەسەرداگیرا، تائێستاش نازانراێت بۆ سووتاندن یان فرۆشتنەوەی دارەکان ئەو کارەی کردووە”، سەیوان سەراوی وای وت.
ئاماژەی بەوەشکرد، بەفەرمانی دادوەر لە بەشی پۆلیسی دارستان و ژینگەی هەڵەبجە، دۆسیە بۆ تۆمەتبار کراوەتەوە و لە چەند رۆژی داهاتوودا دەچێتە بەردەم دادگا.
له خورماڵ دوو هاوڵاتى لهسهر داربڕین دهستگیركران
