“کێشەکان چارەسەر کران و هەناردەی نەوتی كوردستان دەستیپێكردەوە”

964+

ئەرسەلان عەبدوڵا

وەزارەتی سامانە سروشتییەكانی كوردستان لە روونكردنەوەیەكدا ئاشكرای كرد، هەناردەكردنی نەوتی كوردستان بۆ بەندەری جەیهان دەستیپێكردەوە، دوای ئەوەی بەهۆی كێشەی تەكنیكییەوە وەستا بوو.

وەزارەتەكە ئەمڕۆ هەینی لە روونكردنەوەیەكدا دەڵێت: “ئەمڕۆ رێكەوتی 3ی تشرینی یەكەمی 2025 بەهۆی دروستبوونی چەند كێشەیەكی تەكنیكی لە بەندەری جەیهانی توركی، هەناردەكردنی نەوتی هەرێمی كوردستان بۆ بەندەرەكە راوەستا، لە كاتی ئێستادا ئەم كێشانە بە تەواویی چارەسەركراون و هەناردەكردنی نەوتی هەرێمی كوردستان دووبارە دەستیپێكردەوە و بەردەوامە”.

رۆژی 27.9.2025 دوای وەستانی زیاتر لە دوو ساڵ، هەناردەكردنەوەی نەوتی كوردستان بۆ دەرەوە دەستیپێكردەوە، دوای ئەوەی هەردوو حكومەتی عێراق و هەرێمی كوردستان رێككەوتنیان لەمبارەیەوە كرد.

كۆمپانیای سۆمۆ دەڵێت نەوتی كوردستان خواستێكی زۆری لەسەرە