کابینەى نۆ؛ بەبەهاى 265 ملیار دینار نۆ بەنداوى دروستکردووە

964+

وریا فەتاح

کابینەی نۆیەمی حکومەتی هەرێمی کوردستان، لە چوارچێوەی کارنامەی خۆی بۆ بەهێزکردنی ژێرخانی ئابووری و ئاسایشی ئاو، نۆ بەنداوی ستراتیژی بەتێچووى 265 ملیار دینار دروستکردووە.

بەنداوەکان پێکەوە توانای گلدانەوەی زیاتر لە 252 ملیۆن مەتر سێجا ئاویان هەیە.

فەرمانگەى میدیا و زانیارى، وردەکارى بەنداوەکانى بەم شێوەیە خستووەتەڕوو:

بەنداوى گۆمەسپان (هەولێر):  بە گوژمەی 95 ملیار دینار دروستکراوە و توانای گلدانەوەی 97 ملیۆن مەتر سێجا ئاوى هەیە.
بەنداوى دوین (هەولێر): پڕۆژەیەکی دیکەی گەورەیە کە بە گوژمەی 88 ملیار دینار جێبەجێ دەکرێت و توانای گلدانەوەی 100 ملیۆن مەتر سێجا ئاوی دەبێت.
بەنداوى دێوانە (دەربەندیخان): بە گوژمەی 26.6 ملیار دینار دروستکراوە و توانای گلدانەوەی 21 ملیۆن مەتر سێجا ئاوی هەیە.
بەنداوى بەستۆرە (هەولێر): بە گوژمەی 23 ملیار دینار دروستکراوە و توانای گلدانەوەی 20 ملیۆن مەتر سێجا ئاوی دەبێت.
بەنداوى خنس (شێخان): یەکێکە لە پڕۆژە گرنگەکانی پارێزگای دهۆک بە گوژمەی 9.2 ملیار دینار و توانای گلدانەوەی 7 ملیۆن مەتر سێجا ئاوی هەیە..
بەنداوى ئاقۆپان (شەقڵاوە): بە گوژمەی 8.1 ملیار دینار دروستکراوە و توانای گلدانەوەی 2.6 ملیۆن مەتر سێجا ئاوی هەیە و سوودی گەشتیاریشی لێ وەردەگیرێت.
بەنداوى تورەجار (گەرمیان): لە سنووری ئیدارەی سەربەخۆی گەرمیان بە گوژمەی 5.8 ملیار دینار جێبەجێ کراوە و توانای گلدانەوەی 2 ملیۆن مەتر سێجا ئاوی هەیە.
بەنداوى شەوگێڕ (کۆیە): بە گوژمەی 5.6 ملیار دینار دروستکراوە و توانای گلدانەوەی 2 ملیۆن مەتر سێجا ئاوی هەیە.
بەنداوى چەمەرگە (هەولێر): بە گوژمەی 4.4 ملیار دینار دروستکراوە و توانای گلدانەوەی 1.2 ملیۆن مەتر سێجا ئاوی هەیە.

ئاوی کۆگاکراوی بەنداوەکان پێنج ملیار مەتر سێجایە