پهتریكۆر "نا یاسایی و نا مرۆڤانەیە"
“تیمى نهشارهزا به ههڕهمهكى گۆڕه به كۆمهڵهكانى سیبا شێخدر ههڵدهدهنهوه”
964+
فهرهاد حهسهن
لهدواى دۆزینهوهى چهند گۆڕێكی نوێی به كۆمهڵ له سنوورى شنگال، رێكخراوى پهتریكۆر دهڵێت، تیمێكی نهشارهزا دهستیان به ههڵدانهوهى گۆڕهكان كردووه بهبێ ئهوهى مۆڵهتیان ههبێت ، ئهمهش “ههم نایاساییه و ههمیش نامرۆڤانهیه”.
رێکخراوی مافی مرۆڤی پیتریکۆر، كه كارى چاودێریكردنى ههڵدانهوهى كۆڕهبهكۆمهڵگهكانى سنورى شنگاله له بهیاننامهیهكدا دهڵێت، له رۆژى 18.9.2025 گۆڕی بەکۆمەڵ لە ناحیەی ئەلقەحتانیە لە کۆمەڵگەی سیبا شێخدری دۆزرایەوە، هەرچەندە هەندێک لە دەزگاکانی راگەیاندن خێرا وێنەیەکی بەڵگەنامەی قوربانییەکیان بڵاوکردەوە و شوێنەکەیان بە “گۆڕێکی تاکەکەسی” وەسفکرد، بهڵام رێکخراوهكهمان دەستبەجێ سەردانی شوێنەکەی کرد و پشتڕاستی کردەوە کە ئەوەی دۆزرایەوە شوێنی گۆڕێکی بەکۆمەڵ بووە نەک گۆڕێکی تاکەکەسی دابڕاو.
ئاماژه بهوهركاوه، سەرەڕای ئاگادارکردنەوەی لایەنە پەیوەندیدارەکان لەم راستییە و هۆشداریدان لە دەرئەنجامەکانی کردنەوەی گۆڕە بەکۆمەڵەکان بە شێوەیەکی هەڕەمەکی، بەڵام دوو رۆژ دوای دۆزینەوەکە سەرمان سوڕما کاتێک هەندێک کەس پەیوەندییان بە بەشی پزیشکی دادوەری موسڵ و دەزگا ئەمنییە ناوخۆییەکانەوە کرد و بانگەشەی ئەوەیان کرد کە شوێنەکە گۆڕێکی تاکەکەسییە و داوای هەڵدانەوەی دەستبەجێی پاشماوەکانیان کرد.
دهڵێت “ئهمه پێشێلکارییەکی یاسایی قورسه کاتێک شوێنەکە بە بەکارهێنانی ئامرازە سەرەتاییەکان لەلایەن کەسانی ناشارەزاوە هەڵکەندرا، بە ئامادەبوونی تیمێک لە بەشی پزیشکی دادوەری موسڵ، بەبێ هیچ مۆڵەتێک یان هەماهەنگی لەگەڵ لایەنە پەیوەندیدارەکان کە لە رووی یاساییەوە بەرپرسیارن لە دۆسیەی گۆڕە بەکۆمەڵەکان”.
“پهتریکۆر بە توندی ئیدانەی ئەم کارە نایاسایی و نامرۆڤانەیە دەکات، و بە پێشێلکردنی ئاشکرای پیرۆزی گۆڕە بەکۆمەڵەکان و مافی قوربانییەکان و بنەماڵەکانیان دەزانێت” له بهیاننامهكهدا ئهوهش هاتووه.
روونیشی كردووهتهوه، كه یاسای عێراق لەم بابەتەدا روونە؛ دەستکاریکردن یان کردنەوەی گۆڕی بەکۆمەڵ بەبێ رەزامەندی فەرمی قەدەغەیه و بەپێی یاسای ژمارە (13)ی ساڵی 2015ی کاروباری و پاراستنی گۆڕە بەکۆمەڵەکان، هەر کەسێک دەستکاری گۆڕێکی بەکۆمەڵ بکات یان بیکاتەوە بەبێ مۆڵەتی لایەنە پەیوەندیدارەکان سزا دەدرێت بە زیندانیکردن بۆ ماوەی سێ ساڵ و غەرامەکردنی لە نێوان 500 هەزار بۆ یهك ملیۆن دینار.
داواش دهكات، لایەنە پەیوەندیدارەکانی قەزایی و حکومی لێکۆڵینەوەیەکی خێرا و بەپەلە بۆ هەڵدانەوەی نایاسایی ئەو گۆڕە بەکۆمەڵانە بکەنەوە، لێکۆڵینەوەکە دەبێت هەموو ئەو کەسانە بگرێتەوە کە بەشدارییان لەم پێشێلکارییە کردووە یان بەشدارییان کردووە، جا کەسانی تایبەت بن یان بەرپرسی حکومەتی خۆجێی، بۆ ئەوەی بارودۆخی ئەوەی روویداوە ئاشکرا بکرێت و لێپرسینەوە لەگەڵ بەرپرسیارەکان بکرێت.
لهناو 22 روفاتهكهى كوردانى ئێزدى دوو براى نادیه موراد ههن
تاوەکو ئێستا 296 رووفاتی كوردى ئێزدی لە پزیشکی دادی بەغداوە گەڕاندراونەتەوە شنگال
