شاندێكی له ههولێره
رێکخراوی ئاشتی جیهانی دهیهوێت گۆرانكاڕى له بەرنامەکانی پەروەردەى ههرێمی کوردستان بكات
964+
فهرهاد حهسهن
شاندی رێکخراوی ئاشتی جیهانی له ههرێمی كوردستانه، لهگهڵ وهزارهتى پهرورهده دانیشتووه و دهیوێت گۆرانكارى له بهرنامهكانى سیستمى پهروهردهى ههرێمى كوردستان بكات، سهرۆكى یهكێكى مامۆستایانیش دهڵێت، شاندهكه سیمینارێك بۆ بهرپرسان و پسپۆرانى پهروهردهیی ساز دهكات.
ئهحمهد سابیر گهرمیانى، سهرۆكى یهكێتى مامۆستایانى كوردستان كه لهگهڵ شاندهكه سهردانى وهزارهتى پهروهردهیان كردووه، به 964ـى راگهیاند، سەردانى شاندهكه لە چوارچێوەی هاوکاری نێوان رێکخراوی ئاشتی جیهانی و یەکێتی مامۆستایانی کوردستان دێت بۆ پەرەپێدانی بەرنامەکانی پەروەردەیی و بڵاوکردنەوەی کلتووری ئاشتی لە هەرێمی کوردستان.
وتیشی “لهناو سیستمى پهروهدرهى ههرێم گۆڕانكارى باش كراوه بهڵام ئهم رێكخراوه دهیهوێت بیروبۆچوونهكانى خۆى بۆ زیالتر گۆڕانكاریكردن له سیستمهكه بخاته بهردهم وهزارهت و پسپۆرانى پهروهردهى ههرێمى كوردستان”.
ئاماژهى بهوهشكرد، ئهم رێكخراوه Global Peace Foundation ساڵانە پرۆگرامی گۆڕانکاری لە پەروەردە بۆ زۆرێک لە وڵاتان پێشکەش دەکات و كارهكانیشى زیاتر لهو وڵاتانانهیه كه شهڕ و كێشه و گرفتیان ههبووه و ههیه لهوانهش وڵاتانى ئاسیا و ئهفریقیا.
باسی لهوهشكرد، سبهى چوارشهممه، سهرۆكى رێكخراوى ئاشتى سیسمینارێك بۆ بهرپرسان و پسپۆرانى پهروهرده ساز دهكات و ئهو بیروبۆچوونانهى خۆى دهخاته ڕوو كه پێیان باشه بههۆیهوه گۆڕانكارى له بهرنامهكانى پهروهردهى ههرێم بكرێت.
پهروهردهى ههولێر قوتابخانهكان ئاگاداردهكاتهوه خۆیان ئاماده بكهن بۆ ساڵى نوێی خوێندن
بە دەنگیکردنی پڕۆگرامەکانی خوێندن دهچێته ناو سیستمی پەروەردەوە
