دیمەنێک لە یاریی کردنەوەی وەرزی رابردوو لە نێوان دهۆک و زەوڕا لە یاریگەی دهۆک
سبەی دەستپێدەكات
تۆڕی میدیای عێراقی مافی گواستنەوەی یارییەكانی خولی ئەستێرەكانی بەدەستهێنا
964+
ئەرسەلان عەبدوڵا
سبەی یارییەكانی وەرزی نوێی خولی ئەستێرەكانی عێراق لە تۆپی پێ دەستپێدەكات، تۆڕی میدیای عێراقی رایگەیاند مافی گواستنەوەی یارییەكانی بەدەستهێناوە و یارییەكان دەگوازێتەوە.
تۆڕەكە لە راگەیاندراوێكدا ئەمڕۆ هەینی 12.9.2025 ئاشكرای كرد، مافی گواستنەوەی یارییەكانی وەرزی نوێی 2025-2026ی خولی ئەستێرەكانی عێراقی بەدەستهێناوە و لە رێگەی كەناڵە جیاجیاكانی و كردنەوەی ستۆدیۆی شیكاری و بەرنامەی تایبەت و تۆڕی پەیامنێران رووماڵ و گواستنەوەی یارییەكان بۆ بینەرانی دەكات.
بڕیارە سبەی 13.9 یارییەكانی خولەكە بە بەشداریی 20 یانە دەستپێبكات، كە چوار یانەیان لە هەرێمی كوردستانەوەن، ئەوانیش هەولێر، دهۆك، زاخۆ و نەورۆز.
