ناو بازاڕەكانیشیان شۆردووە
بەدەیان تۆن خاشاك لە پێنجوێن كۆكرانەوە و بازیان و پیرەمەگرونيش ئامادە كران بۆ زستان
964+
محەمەد فاتیح
له هەڵمەتێکی بەرفراواندا له سنوورى قەزای پێنجوێن، بە دەیان تۆن لە خۆڵ و خاشاك كۆكرانەوە، لە پیرەمەگرون و بازیانيش، هەڵمەتێکی شۆردن و پاککردنەوە بەڕێوەچو.
بەڕێوەبەرایەتی گشتيی شارەوانییەکانی سلێمانی بڵاویكردەوە:
-ژینگەپارێزان هەڵمەتێکی بەرفراوانی هەڵگرتنەوەی خۆڵ و خاشاکیان لە سنووری قەزاى پێنجوێن بەڕێوەبرد.
-هەڵمەتەکە بە بەشداری ژمارەیەکی بەرچاو لە ژینگەپارێزان و بەکارهێنانی ئامێرەکانی شۆڤڵ و بارهەڵگر ئەنجامدرا.
-پاش کۆکردنەوەی دەیان تۆن لە خۆڵ و خاشاک، پاشان گواسترایەوە بۆ ژێرخاکخستن و چارەسەرکردن.
بەپێی بڵاوكراوەكەی بەڕێوەبەرایەتی گشتيی شارەوانییەکانی سلێمانی، لە دوو هەڵمەتی جیاوازدا، ژینگەپارێزان ناوبازاڕی هەردوو شارۆچکەى پیرەمەگروون و بازیانيان شۆرد و پاککردەوە.
باسی لەوەشكرد، ژینگەپارێزان رێڕەوی باراناو و مەنهۆڵی ناوبازاڕیان پاککردەوە، تاکو لە وەرزی بارانباریندا گرفتی لافاو و کۆبوونەوەی ئاو دروستنەبێت.
