هاوڵاتییەکی هەڵەبجە بە بەرهەمی خۆماڵی بەشدارە
بازاڕی نمایشکردنی خۆراک و کەلوپەلی میسر لە کەرکوک بەڕێوەدەچێت
964+
کاروان ساڵحی – کەرکوک
بۆ شەشەم ساڵ بازاڕی نمایشکردنی کەلوپەلی میسر لە شاری کەرکوک کرایەوە کە تیایدا جلوبەرگ و خۆراک و کەرەستەی دروستکرای وڵاتی میسری دەفرۆشرێت، ئەمجارە هاوڵاتییەکی دانیشتووی هەڵەبجە بەجلوبەرگی کوردییەوە بەشدارە و هەرچی بەرهەمی خۆماڵی و بەلەزەتە لە بازاڕەکە دایناوە.
کاوە عیزەت قسەی بۆ مایکی 964 کردووە و دەڵێت، “بە هەنگوین و برنج و بەرهەمە کوردەوارییەکان بەشداریم کردووە، پێنج جۆر هەنگوینم لەگەڵ خۆم هێناوە کە گرانترینیان کیلۆی بە 80 هەزار دینارە”.
باسی لەوەشکرد، 22 ساڵە هەنگەوانی دەکات و ئەزموونێکی باشی لەوبوارەدا بەدەستهێناوە.
پێداچوونەوە؛ شۆڕش قادری
بۆیەکەمجار فێستیڤاڵی شانۆیی زانکۆکانی عێراق لەکەرکوک ئەنجام دەدرێت
