گویندەلن گرین، کونسوڵی گشتیی نوێی کونسوڵخانەی ئەمریکا لە هەرێمی كوردستان
چەندین خەڵاتی وەرگرتووە
كونسوڵە نوێیەكەی ئەمریكا لە هەرێم بناسن
964+
محەمەد فاتیح
گویندەلن گرین، کونسوڵی گشتیی نوێی کونسوڵخانەی ئەمریکا لە هەرێمی كوردستان دیپلۆماتکارێکی بەئەزموونه و چەندین خەڵاتی گەورەی بەدەستهێناوە.
گرین پێشتر وهك جێگرى باڵیۆز له وڵاتى ئێسوپیا له ساڵانى 2023 تا 2025 خزمهتى كردووه و رابهرایهتى زیاتر له 1500 كارمهند و بودجهى كاركردن به بڕى 60$ ملیۆن دۆلار و 1.6 $ ملیار دۆلارى له پرۆژهكانى مرۆیی و گهشهپێدان كردووه.
كونسوڵخانەی گشتى ویلایهته یهكگرتووهكانى ئهمریكا له ههولێر بڵاویكردەوە، بهدرێژایی نزیكهى 25 ساڵ كارى دیبلۆماسى، گویندەلن له پۆستى جۆراوجۆر له وڵاتانى دهرهوه و له واشنتۆن دى سى خزمهتی كردووه و بۆ ماوهیهكى درێژخایهن ههڵسوڕینهرى كاروبارى باڵیۆزخانهى ئهمریكا له وڵاتى ماڵتا بووه له ساڵى 2020 تا 2023، كه بهرژهوهندیه بازرگانى و ئهمنیهكانى ئهمریكاى لهناوچهى ناوهندى ستراتیجى دهریاى ناوهڕاست بهرهوپێش بردووه.
له 2014 تاوهكو 2017، وهك بهرپرسى بهشى كونسوڵگهرى له كونسوڵخانهى گشتى ئهمریكا له دوبهى خزمهتى كردووه و سهرپهرشتى خزمهتگوزارى كاروبارى ڤیزاى ئهمریكى بۆ ئێران كردووه و لهساڵى 2009 تا 2011 شانبهشانى سهركردایهتى سهربازى وهك سهرۆكى ئۆپهراسیۆن و پلانى نێوان ئاژانسهكان بۆ رۆژههڵاتى ئهفغانستان خزمهتى كردووه.
شوێنى ئهركهكانى ترى له دهرهوهى وڵات بریتین له پاراماریبۆ، سورینام، ئهمستردام له هۆڵهندا و پریتۆریا له باشوورى ئهفریقا.
خەڵاتەكانی گویندەلن گرین:
-چهندین جار خهڵاتى كارامهیی باڵاى بۆ كاره ئاست بهرزهكانى پێبهخشراوه.
– چوار جار خهڵاتى رێزلێنانى باڵاى وهرگرتووه.
-خهڵاتى وهزیرى دهرهوهى بۆ كارامهیی سهركردایهتى كردن له شوێن و دۆخه سهختهكان پێبهخشراوه.
– دوو جار مهدالیاى رێزلێنانى بۆ خزمهتى هاوبەشی سەربازی و مهدهنى لهلایهن وهزیرى بهرگریى پێشكهشكراوه.
بڕوانامەكانی:
-بڕوانامهى بهكالۆریۆسى له زانكۆى تێكساس له ئارلینگتۆن بهدهست هێناوه.
– بڕوانامهی ماستهرى له بوارى زانست و هونهرى ئۆپهراسیۆنى سهربازى له كۆلێژى فهرماندهیی و ئهركانى هێزى ئاسمانى بهدهست هێناوه.
– بڕوانامهى ماستهرى زانستى له ستراتیژى ئاسایشى نیشتمانى له كۆلێژى جهنگى نیشتمانى بهدهست هێناوه و زمانهكانى هۆڵهندى و فهرهنسى و عهرهبى خوێندووه.
زانیاری زیاتر لەسەر ژیانی گویندەلن گرین:
-له شارى سان ئهنتۆنیۆ له ویلایهتى تێكساس لهدایكبووه، وهك كچی ئهفسهرێكى سوپاى ئهمریكا له وڵاتانى جیاواز له سهرانسهرى جیهان گهوره بووه و ئێستا ویلایهتى ئاركانساس به زێدى خۆى ناودهبات.
-هاوسهرگیرى لهگهڵ ترهیسى گرین، فهرماندهى خانهنشینى هێزى دهریایی ئهمریكا كردووه و خاوهنى دوو منداڵن.
