دیمهنێكی ناڕهزایهتى هاوڵاتیانى كهورگۆسك له ههولێر كه داواى دامهزراندنیان كرد... وێنه: 964+
ئامارى تۆڕی هاوپەیمانیی 19
مانگى رابردوو زۆرترین چالاكی ناڕهزایهتى هاوڵاتیان له ههولێر روویداوه
فهرهاد حهسهن
بهپێی ئامارێكى تۆڕی هاوپەیمانیی 19، لهمانگى تهمموزى رابردوو له ناوچه جیاوازهكانى ههرێمی كوردستان 60 چالاكی و ناڕهزایی جۆراوجۆر لهلایهن هاوڵاتیانهوه ئهنجامدراون كه زۆربهیان لهههولێر بووه و زۆربهى چالاكییهكانیش بۆ داواكردنى خزمەتگوزاری بووه.
تۆڕی هاوپەیمانیی 19 یه كه تۆڕێكه بۆ چاودێریكردنى ئازادی رادەربڕین.
له چالاكى و نارەزایەتییهكان یەك هاوڵاتی گیانى لهدهستداوه، یەكێكیشان رفێنراوە و ئەشكەنجە دراوە، هێرشكراوتە سەر چالاكوانێكی مەدەنی و برینداركراوە حەوت هاوڵاتی دەسگیركراوە پاشان ئازادكراون.
لهماوهى مانگى رابردوودا، 26 چالاكی لە هەولێر، 25 لە سلێمانی، سێ چالاكی لە ههریهك له دهۆك و ئیدارهى راپهڕین، له ههڵهبجه، ئیدارهكانى سۆران و گهرمیانیش لهمانگى رابردوودا یهك چالاكی روویداوه.
لهو 60 چالاكی و ناڕهزایهیتییهى بهڕێوهچووه، له 26 چالاكی داواى خزمەتگوزارییهكان كراوه، 13 چالاكی بۆ موچە، سێ چالاكی بۆ دامەزراندن و 18 چالاكیش داخوازی جیاجیا بوون.