شارەزایەکی بواری کۆمەڵناسی:
“پەروەردەکردنی منداڵ لەلایەن خزمەتگوزارەوە کێشەی کۆمەڵایەتی دروست دەکات”
964+
دیلان محەمەد – سلێمانی
شارەزایەکی بواری کۆمەڵناسی سەبارەت بە پەروەردەکردنی منداڵ لەلایەن خزمەتگوزار و ناپاکیی هاوسەرگیری و راوێژکاری کەسی قسە دەکات و دەڵێت، “خزمەتگوزارەکان زیاتر لە دایک و باوک منداڵ پەروردە دەکەن و ئەمەش کێشەی کۆمەڵایەتی دروست دەکات”
دکتۆر دانا فازڵ، شارەزای بواری کۆمەڵناسی بە 964ـی وت، ئەو منداڵانەی لەلایەن خزمەتگوزارە بیانییەکانەوە پەروەردە دەکرێن هەڵگری کولتور و هەڵسوکەوتی ئەو خزمەتگوزارە دەبن و کاریگەری لەسەر کەسایەتیان دەبێت لە داهاتوودا و دەشڵێت، هێشتا ئەو بابەتە نوێیە بۆ وڵاتی ئێمە و لە داهاتوودا کاریگەرییەکانی دەردەکەوێت.
سەبارەت بە ناپاکیی هاوسەرگیریش لە کۆمەڵگەی کوردیدا ئەو پسپۆڕە دەڵێت، لە کۆمەڵگەی کوردیدا بەراورد بە رێژەی هاوسەرگیری ناپاکی هاوسەرگیری زۆر کەمە.
پێداچوونەوە: ژێوار خدر
