وەزارەتی دارایی و ئابووری هەرێم لیستی موچەی مانگی حەوتی رەوانەی بەغدا کرد - وێنە؛ گرافیکی 964
لەلایەن وەزارەتی دارایی هەرێمەوە
لیستی موچەی مانگی حەوت رادەستی بەغدا کرا
964+
توانا نەقی
وەزارەتی دارایی هەرێم لیستی موچەی مانگی تەموزی رادەستی وەزارەتی دارایی حکومەتی فیدراڵ کرد.
ئەمڕۆ یەکشەممە 3.8.2025 وەزارەتی دارایی هەرێم بڵاویکردەوە، لیستی موچەی مانگی تەموزی فەرمانبەران و موچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە رادەستی فەرمانگەی ژمێریاری وەزارەتی دارایی حکومەتی فیدراڵ کرا.
لە رۆژی 25.6.2025ـەوە لیستی موچەی مانگی 6 موچەخۆرانی هەرێم رەوانەی وەزارەتی دارایی حکومەتی فیدراڵ کراوە.
بەپێی رێککەوتنی نێوان هەرێم و بەغدا دەبێت هەرێم رۆژانە 12 ملیار دینار لە داهاتی ناوخۆ و بڕی 230 هەزار بەرمیل نەوت رادەستی بەغدا بکات، بەڵام تاوەکو ئێستا 12 ملیارەکەی مانگی 6 رەوانە نەکراوە و نازاندرێت کەی موچەی ئەو مانگە دابەشدەکرێت.
