"هونەرەکەی ئێمە بۆ پارە نەبوو"
عەلی زەنگەنە گلەیی هەیە و دەڵێت فەرامۆش کراوین
964+
کاروان ساڵحی – کەرکوک
عەلی زەنگەنە ساڵانێکە بێدەنگە و گلەیی لە راگەیاندنەکان هەیە و دەڵێت، ئێمە دوورنین بەڵکو راگەیاندنەکان لە ئێمە دوورن و هونەرمەندە بەئەزموونەکان پشتگوێخراون.
مایکی 964 لە یادی هونەرمەندی گەورە عەلی مەردان لە کەرکوک، چووە لای هونەرمەند عەلی زەنگەنە و گفتوگۆیان دەربارەی چەندین بابەت و هونەری ئێستا و جاران کرد و لەم بارەیەوە وتی، هونەری ئێمە تا ئێستا پێی دەڵێن هونەری سەردەمی زێڕین، دەمایەوە و بۆ بەیانی لە قوتابخانەکان دەوترانەوە، بەبێ هیچ بەرامبەرێک ساڵی یەک تا دوو بەرهەمم بڵاودەکرایەوە و بەهای هەبوو.
عەلی زەنگەنە لە ساڵی 1956 لە کەرکوک لەدایکبووە و خاوەنی چەند گۆرانییەکە، کە هەندێکیان لە رادیۆ و تەلەڤزیۆنی بەغدا تۆمار کراون.
پێداچوونەوە: پەری ساڵح
