بەتۆمەتی ئەنجامدانی سیحر و جادو کەسێک دەستگیر کرا – وێنە؛ پۆلیسی ئاکرێ
"دانی بەتاوانەکەیدا ناوە"
لە ئاکرێ کەسێک بە سیحر و جادو خەڵکی هەڵخەڵەتاندووە؛ دەستگیر کرا
964+
شۆڕش قادری
لە ئاکرێ کەسێک بۆ پڕکردنی گیرفانی و بەدەستهێنانی پارە، سیحر و جادوی بۆ پیاو و ژنان کردووە و هەڵیخەڵەتاندوون، پۆلیس دۆزییەوە و قۆڵبەستی کرد.
“نوسینگەی نەهێشتنی تاوانـی سیپە تۆمەتبارێکیان بەناوی (ش، ئـ، م) تەمەن 39 ساڵ دەستگیر کردووە کە هەستاوە بە ئەنجامدانی سیحر و جادو بۆ ژنان و پیاوان بەمەبەستی لێکجیاکردنەوە و بەیەکە گەیاندنیان”، پۆلیسی ئاکرێ لە راگەیەنراوێکدا وادەڵێت.
ئاماژە بەوەشکراوە، تۆمەتبار ئەو کارەی لە بەرامبەر وەرگرتنی پارەدا ئەنجامداوە و لەکاتی دەستگیرکردنیشیدا چەندین بەڵگە و سیحر و جادو دەستیان بەسەرداگیراوە.
پۆلیسی ئاکرێ دەشڵێت، تۆمەتبار لە لێکۆڵینەوەکاندا دانی بە تاوانەکەیدا ناوە، لەئێستاشدا بە پێی مادەی 240 لە یاسای سزادانی عێراقی راگیراوە و لێکۆڵینەوە لەگەڵی بەردەوامە.
سێ ساڵە کاری سیحر و جادوو دەکات و ئێستا دەستگیر کرا
