دیمهنى یهكێك لهنهخۆشانى گورچیله.. وێنه: تهندروستى چهمچهماڵ.
رۆژانه تاوهكو 15 كهس چارهسهر وهردهگرن
“له چهمچهماڵ رێژهى تووشبوون به نهخۆشییهكانى گورچیله له زیادبوونه”
964+
فهرهاد حهسهن
تهندروستى قهزاى چهمچهماڵ دهڵێت، له سنوورهكهیان رێژهى تووشبوون به نهخۆشیهكانى گورچیله له زیادبوونه و رۆژانهش 10 تا 15 هاوڵاتی چارهسهر وهردهگرن.
ئاماژه بهوهكراوه، خزمەتکردن و چارەسەر لەسەنتەری گورچیلەی دەستکرد سستمێکی ئاڵۆز و ورد و هەستیارە لەبەر قورسی دۆخی تەندروستی نەخۆشانی گورچیلە ئەوە دەخوازێت بەردەوام لەکاتی چارەسەر و ششتنی گورچیلە بۆیان چاودێری تەواوی بکەن.
جگە لە رۆژانی هەینی، تەواوی رۆژەکانى ستافی سەنتەرەکە لە ئەرکدان و بۆ هەر نەخۆشێک نزیكهى چوار کاتژمێرى پێویسته و رۆژانەش رێژەی نەخۆشییهكه لەزیادبووندایه .
زۆرجاریش لەکاتی دروستبوونی گرفتی تەندروستی نەخۆشەکان یاخود کارەبا یا ئەو ئامێر و سیستمە ئاڵۆزەی پرۆسەکە ئەنجامدەدەن ئەوەندەی تر ستافی سەنتەرەکە دەخاتە بەردەم دۆخێکی قورس و ناهەموار، تا ئاساییبوونەوە و جێگیربوونی دۆخەکە.
د.نورهدین جهلال فهتاح، بەڕێوەبەری تەندروستیی چەمچەماڵ، ئاماژهى بهوه كرد، سەرەڕای دواکەوتنی موچە و دۆخی خراپی دارایی ئەوەی لەتوانای فهرمانبهران و كارمهندانى ئهو سهنتهرهدا بێت درێغیان لە خزمەتکردن و چارەسەر و چاودێریکردنی نەخۆشەکاندا ناکردووه.
وتیشی “بەهیمەتی بەڕێوەبەر و ئیدارە و تەواوی کارمەندان بەردەوام لەهەوڵی جێگیرکردن و رێکخستنەوەی تەواوی سیستم و ئامێر و پێداویستی سەنتەرەکەداین”.
بەپێی ئامارێکی بەشی ئاماری بەڕێوەبەرایەتیی تهندروستى چهمچهماڵ لە ساڵی رابردوودا لە سەنتەری گورچیلەی دەستکرد دوو ههزار و 985 جار شووشتنەوەی گورچیلە بۆ 331 نەخۆشی گورچیلە لە سنووری چەمچەماڵ و تەنانەت ناحیە و شوێنەکانی دەوروبەری ئەنجامدراوە.
له كۆیه رۆژانه 15 كاتژمێرى بهردهوام كارى شوشتنهوهى گورچیله بۆ نهخۆشهكان دهكرێت
