"لە گەرمای 50 پلەدا تەنیا سێ کاتژمێر کارەبامان هەیە"
دانیشتووانی خەبات رێگای هەولێر – موسڵیان داخست
964+
شۆڕش قادری
دانیشتووانی قەزای خەبات لە پارێزگای هەولێر جارێکی تر دژی کەمی کارەبا و نەبوونی خزمەتگوزاری گردبوونەوە و رێگای سەرەکی نێوان هەولێر – موسڵیان داخست.
چەند بەشداربوویەکی ناو گردبوونەوەکە قسەیان بۆ مایکی 964 کرد و وەک خۆیان دەڵێن، “بەم چلەی هاوینە و لە گەرمای 50 پلەدا، رۆژانە تەنیا سێ کاتژمێر کارەبامان هەیە، نزیکەی 15 ساڵیشە ئەوە حاڵمانە”.
ئاماژەیان بەوەشکرد، دانیشتووانی 10 گوند دەبن کە جگە لە کارەبا، ئاو و خزمەتگوزاری دیکەشیان نییە و جادە و رێگاوبانیشیان زۆر خراپە.
ئەوەش لەکاتێکدایە ئەمڕۆ هەینی 25.7.2025 بەرزترین پلەی گەرما لە قەزای خەبات تۆمارکرا و کەشناسی رایگەیاند، پلەی گەرما لەو قەزایە گەیشتووەتە 50 پلەی سیلیزی.
پێداچوونەوە؛ شۆڕش قادری
رێگاى هەولێر - خەبات نۆژەن دەكرێتەوە
