144 قەلاب زبڵ و پاشماوەی خانووبەرە كۆكرایەوە

ئەرسەلان عەبدوڵا

شارەوانیی هەولێر رایگەیاند، لەسەر داواكاری هاوڵاتیان، گۆڕەپانێكی گەورە لە گەڕەكی سیمی خاتووناوە پاككرایەوە، كە 144 قەلاب زبڵ و پاشماوەی لێ فڕێدرابوو.

سەرۆكایەتیی شارەوانیی هەولێر بڵاویكردەوە،  بە سەرپەرشتی لیژنەکانیان لە بەڕێوەبەرایەتیی خزمەتگوزاری و ژینگەپازێزی، هەڵمەتێکی فراوانی خاوێنکردنەوەی گۆڕەپانێکی گەورە لە گەڕەکی سیمی خاتووناوە ئەنجامدرا.

هەروەها دەڵێن، دوای ئەوەی هاوڵاتیان و دانیشتوانی گەڕەکەكە داواکارییان پێشکەش بە شارەوانی سنوورەکە کرد بوو، دەستبەجێ لەلایەن تیمەکانیان توانرا لە ماوەی دوو رۆژدا بڕی 144 قەلاب لە زبڵ و پاشماوە و خۆڵ و خاشاکی خانووبەرە لە گۆڕەپانەکە بە تەواوی پاک بکرێتەوە و بە پانتایەکی جوانتر و سیمایەکی خاوێن گۆڕەپانی گەڕەک بۆ دانیشتوان و هاوڵاتیان جێبهێڵن.

شارەوانیی هەولێر دەڵێت، هەموو ئەمانە لەپێناو رەخساندنی ژینگەیەکی تەندروست و پاراستنی پاکوخاوێنی شارە.