هاوردەکردنی کاڵا و بەرهەمە خۆراکییەکان - وێنە؛ ئیرنا
لە سێ مانگدا
بایی زیاتر لە 670 ملیۆن دۆلار کاڵا لە کرماشانەوە هاوردەی کوردستان کراوە
964+
شۆڕش قادری
تەنیا لە سێ مانگدا بایی زیاتر لە 670 ملیۆن دۆلار کاڵا لە پارێزگای کرماشانەوە هاوردەی هەرێمی کوردستان و عێراق کراوە.
ئاژانسی هەواڵی مێهر لەزاری رەزا نیک رەوش سەرپەرشتیاری گومرگی پارێزگای کرماشان بڵاویکردووەتەوە، “لە سێ مانگی بەهاری ئەمساڵ و لە 21.3.2025 تا 21.6.2025 یەک ملیۆن و 613 هەزار و 278 تۆن کاڵا بە بەهای 670 میلیۆن و 983 هەزار دۆلار گومرگیان بۆ کراوە و هەناردەی هەرێمی کوردستان و عێراق کراون”.
ئاماژەی بەوەشکردووە، لەو بڕە 504 هەزار و 280 تۆن لە مەرزی مونزەریە و 440 هەزار و 685 تۆن لە مەرزی پەروێزخان و ئەوەی دیکەشی لە مەرزەکانی سومار و شێخ سەڵە گومرگی بۆ کراوە و هاوردەی ئەم دیوی کوردستان و عێراق کراوە.
نیک رەوش راشیگەیاندووە، زۆربەی ئەو کاڵایانە سەوزە و میوە و کەرەستەی بیناسازی بوون.
هەردوو دەروازەی نێودەوڵەتی پەروێزخان و مونزەرییە دوو لە مەرزە فەرمییەکانی نێوان هەرێمی کوردستان و ئێرانن کە پەروێزخان کەوتووەتە نێوان قەزای کەلار و شاری قەسری شیرینـی سەر بە پارێزگای کرماشان و مونزەریەش لە نێوان خانەقین و قەسری شیرین لە رۆژهەڵاتی کوردستانـدایە، سومار و شێخ سەڵەش دوو مەرزی نافەرمین و ئاڵوگۆڕی بازرگانیان تێدا ئەنجام دەدرێت.
یەک ملیۆن و 500 هەزار گەشتیار لە پەروێزخان و مونزەریەوە هاتوچۆیان کردووە
