خولێکی زانستی و کارگێڕی و یاسایی بۆ پزیشکانی تازەدامەزراو بەڕێوەدەچێت
بەر لە دەستبەکاربوونیان
خولێکی زانستی و کارگێڕی و یاسایی بۆ پزیشکانی تازەدامەزراو بەڕێوەدەچێت
964+
ئەرسەلان عەبدوڵا
بەڕێوەبەرایەتیی گشتیی تەندروستیی هەولێر رایگەیاند، لە رێگەی سەرۆکی پزیشکانی نیشتەجێ، خولێکی راهێنانیان بۆ پزیشکانی تازە دامەزراو دەستپێکردووە و 16 رۆژ دەخایەنێت.
بەڕێوەبەرایەتییەكە دەڵێت، بە ئامادەبوونی پزیشکانی پسپۆڕی فریاکەوتن و پزیشکانی پسپۆڕییەكانی دیكە، خولێك لە هەولێر بۆ پزیشكانی تازەدامەزراو لە رۆژی یەكی ئەم مانگەوە دەستیپێكردووە و ماوەی 16 رۆژ بەردەوام دەبێت، ئەمەش بە ئامانجی زیاتر ئاشناكردنی پزیشكە تازەكان بە کاری رۆتینی نەخۆشخانەکان، هەروەها شارەزابوونیان بە بابەتەكانی كارگێڕی و یاسایی و زانستی.
سەرچاوەكە ئاماژە بەوە دەكات، دواتر کۆرسێکی زانستی لە لایەن کۆمەڵەی پزیشکانی فریاکەوتن پێشکەش بە بەشداربووانی خولەكە دەکرێت، ئەمەش پێش ئەوەی پزیشكە تازەدامەزراوەكان لە نەخۆشخانەكان دەستبەكاربن.
